بعدما غاب فماش بلجيكا بسبب الدوخة.. واش بونو غادي يلعب ضد كندا؟

أكد عبد الرزاق هيفتي طبيب المنتخب الوطني المغربي بلي ياسين بونو لكول ديال ليكيب ناسيونال لاباس عليه، وغادي يكون فالماتش الجاي ضد كندا فالجولة الثالثة فكأس العالم 2022، من بعدما غاب اليوم الأحد فآخر لحظة على ماتش بلجيكا.
وكشف عبد الرزاق هيفتي على الحالة ديال بونو وقال فتصريح له: "ياسين بونو حس بالدوخة تكلمت مع المدرب وليد الركراكي وما بغيناهش يبدا الماتش ودابا هو الصحة ديالو مزيانة وغادي يكون 100% فالماتش الجاي ضد كندا".
للإشارة، فخدا منير المحمدي لكول الثاني ديال المنتخب الوطني المغربي، لبلاصة ديال ياسين بونو فاخر لحظة، ضد بلجيكا من بعدما حس بونو بالدوخة، وقال وليد الركراكي بلي كان موعت من ماتش كرواتيا.