"بين سبورت": ياسين بونو ما لعبش ضد بلجيكا حيث توعت فخذو

كشفت قناة "بين سبورت" القطرية اللي عندها حقوق النقل ديال مونديال قطر 2022، بلي الكول ديال المنتخب الوطني المغربي حس بألم فالفخذ ديالو داكشي على ما لعبش ضد بلجيكا ودخل بلاصتو منير المحمدي فاخر لحظة.
واستغربو المغاربة ملي شافو منير المحمدي كيتدخل فأول هجمة ديال بلجيكا، حيث كان ياسين بونو اللي داخل حسب التشكيلة الرسمية ديال وليد الركراكي، وحسب اللقطات الأولى ديال دخول اللعابا للتيران وحتى النشيد الوطني اللي حضر له بونو ومن بعد عاد بانت بعض الصور لياسين بونو وهو كيتالم بثواني قليلة قبل ما يبدا الماتش.