دار المنتخب الوطني المغربي الرجل ديالو الأولى فثمن نهائي كأس العالم قطر 2022، من بعدما ربح بلجيكا فالجولة الثانية وربحت كرواتياكندا اللي تقصات رسميا. وسالا الماتش ديال المنتخب الكرواتي والكندي بنتيجة 4 لواحد، وبالتالي تقصات كندا الخصم الجاي ديال المنتخب الوطني المغربي بشكل رسمي من كأس العالم قطر 2022. وكيتصدر دابا المنتخب المغربي والمنتخب الكرواتي المجموعة 6 فكأس العالم، برصيد 4 النقاط لكل منتخب مع امتياز للكرواتيين، ورجعت بلجيكا للمركز الثالث برصيد 3 النقاط وكندا فالمركز الأخير برصيد 0 نقطة. وكيحتاج المنتخب الوطني المغربي غير للتعادل فالماتش الجاي مع كندا اللي تقصات، باش يتأهل رسميا لثمن النهائي والرباح باش يضمن المركز الأول، ونفس الأمر بالنسبة لكرواتيا اللي خاصها تعادل ضد بلجيكا وتتأهل هي والمغرب أو تخسر مع بلجيكا وتتأهل معها ولكن بشرط يخسر المنتخب المغربي مع كندا، أما البلجيكين خاصهم يربحو كرواتيا باش يتأهلو.
