مدرب بلجيكا: المغرب غادي يضغط علينا مزيان وها شنو غادي نديرو حنا

توقع مدرب بلجيكا روبيرتو مارتينيز بلي المنتخب الوطني المغربي هو اللي يضغط فالماتش ضد المنتخب البلجيكي الأحد الجاي فالجولة الثانية من كأس العالم قطر 2022.
الناخب البلجيكي مارتينيز، كشف فتصريح لشبكة "RTBF"، التوقع ديالو للماتش ضد المنتخب المغربي وطريقة اللعب وكيشوف بلي المنتخب الوطني المغربي هو اللي غادي يفرض الإيقاع ويتحكم فالكرة فالوقت اللي هو والمنتخب ديالو غادي يديرو "ليكنتر أتاك"، وقال: "المغرب غادي يغامرو ويضغطو علينا مزيان ولكن إلى منجحوش فهادشي غادي يخليو لنا مساحات كبيرة".
وكيحتاج المنتخب الوطني المغربي يحقق الرباح فالماتش ضد بلجيكا الأحد الجاي باش يعزز الحظوظ ديالو فالتأهل للدور الثاني من كأس العالم قطر 2022، من بعدما تعادل الماتش الأول ضد كرواتيا، أما المنتخب البلجيكي جاي من رباح على كندا الشي اللي كا يرجح توقع مدرب بلجيكا ويخلي المنتخب المغربي بقيادة المدرب وليد الركراكي يخرج يضغط فالماتش ضدهم.