كوايري مغربي تشد فالصبليون مع ريزو إجرامي كينشط ف بيع الطوموبيلات دولوكس المسروقة ف المغرب

قالت تقارير إخبارية، أن الحرس المدني الإسباني فكك، مؤخرا، ريزو إجرامي كينشط ف بيع الطوموبيلات دولوكس المسروقة ف المغرب، من بين المتهمين المتورطين فيه، كوايري مغربي عندو 30 عام، هاذ الساعة بلا فرقة ولعب العام الفايت مع نادي ف دوري إمارة لوكمسبورغ. الدور ديالو ف الريزو هو القيام باتصالات هاتفية لتنسيق عمليات البيع النهائية.
وقدر الحرس المدني باش يرجع 2 طوموبيلات تسرقو ف الطاليان وبولونيا وتوصل لمعلومات على 3 ديال الطوموبيلات تسرقو من دول أوروبية، وثم بيعها في المغرب بعد إعادة تسجيلها في إسبانيا. هاد العملية سالات باعتقال 3 درجال و3 العيالات تتراوح أعمارهن بين 21 و 35 عام في بلدية موتكساميل. الشاف ديال الريزو مغربي الجنسية، وتم التحري على المتورطين، بسبب التفطاح ديالهم وكثرة الفلوس اللي بانت عليهم على غفلة..