قبل ما يلعب المونديال.. البراق أشرف حكيمي ختاروه أحسن ظهير أيمن ففرنسا

تعزل الدولي المغربي أشرف حكيمي كأحسن ظهير أيمن فالجولة 15 من بطولة فرنسا وهي الجولة الأخيرة قبل إنطلاق كأس العالم اللي غادي يلعب فيه المنتخب الوطني المغربي.
وعلنت قبل لحظات رابطة بطولة فرنسا، على تشكيلة أحسن 11 لعاب فالجولة 15 وكان معهم نجم باريس سان جيرمان أشرف حكيمي، ومن فوق هاذشي ذكرت النجم المغربي بوحدو وسط 11 لعاب اللي عزلات.
وكان أشرف حكيمي تألق بشكل كبير فماتش باريس سان جيرمان الأحد، اللي فات ضد أوكسير وماركا البيت الثالث لفرقتو من واحد "كونتر اتاك" خترق فيه دفاع الخصم فحال طران البراق.
ووصلت أشرف حكيمي على بعثة المنتخب الوطني المغربي فقطر الاثنين اللي فات، وتدرب مع ليكيب ناسيونال البارح الثلاثاء وغادي يلعبو غدا الخميس ضد جورجيا ماتش أميكال فالامارات ويرجعو لقطر باش يلعبو كأس العالم.