عبد الصمد الزلزولي وصل على المنتخب لقطر وحاضر فأول حصة تدريبية

غادي يكون الدولي المغربي عبد الصمد الزلزولي لعاب أوساسونا حاضر اليوم الاثنين، فتداريب المنتخب الوطني المغربي فقطر.
عبد الصمد الزلزولي اللي غاب مدة هاذي على ليماتش ديال أوساسونا بسبب الاصابة، لكن برا منها وأكد مدرب فرقتو بلي راه واجد باش يلعب، واليوم من بعدما وصل على المنتخب الوطني لقطر غادي يكون حاضر فأول حصة تدريبية الأسود هاذ العشية.
للإشارة فعبد الصمد الزلزولي من اللعابا اللي مشاو بوحدهم لقطر، وما سافروش مع المنتخب الوطني المغربي فنفس الطيارة اللي مشات فيها البعثة البارح من المغرب.