المغاربة فقطر استقبلو الأسود بفرحة كبيرة خلاوهم يحسو فحال إلى غاديين يلعبو فمدينة مغربية ماش فالدوحة – فيديو

استقبلت الجماهير المغربية اللي كاينة فقطر، اليوم الأحد، بكل حرارة، المنتخب الوطني المغربي اللي وصل هاذ العشية للعاصمة القطرية الدوحة باش يشارك فكأس العالم 2022 .
وكانت الجماهير المغربية حاضرة بقوة حدا فندق إقامة بعثة المنتخب الوطني المغربي فالدوحة، ورحبت باللعابا ديال المنتخب بواحد الفرحة كبيرة ملي وصل الكار اللي حاول فيه اللعابا وغنات الشعارات وهزات درابوات ديال المغرب فحال إلى المنتخب المغربي كاين فشي بلاصة فالمغرب ماشي فقطر الشي اللي كيأكد بلي الجمهور المغربي متحمس باش يساند ليكيب ناسيونال فكوب ديموند وغادي يكون عندو دور كبير.
ووصل المنتخب الوطني المغربي إلى قطر هاذ العشية من بعد 7 الساعات ديال الطيران، ومشات البعثة من المغرب اليوم الصباح ب 7 اللعابا، والبقية غادي يوصلوا عليهم غدا حيث كانوا ملتازمين بليماتش مع فرقهم هاذ الويكاند.
https://www.instagram.com/p/Ck6XXyXopuS/?igshid=YmMyMTA2M2Y=