المنتخب غادي يشد الطيارة للإمارات ولكن ماشي كاع اللعابا غادي يمشيو

من المنتظر يسافر المنتخب الوطني المغربي إلى الإمارات هاذ الويكاند، استعدادا لكأس العالم فقطر، مفرق حيث غادي يمشيو لعابا اللي وصولو للمغرب بوحدهم واللعابا اللي مازال فالفرق ديالهم بوحدهم.
وغادي يسافر المنتخب الوطني المغربي إلى الإمارات الأحد الجاي 13 نوفمبر، باش يلعب ضد منتخب جورجيا بمدينة الشارقة ومن بعدها غادي يشد الطريق لقطر.
اللعابا ديال المنتخب الوطني المغربي غادي يمشيو مفرقين، بحيث أن العناصر اللي غادي يوصلو للمغرب قبل من الويكاند الجاي، غادي يرافقو البعثة ديال المنتخب الوطني المغربي من الرباط إلى الإمارات، أما اللعابا اللي مازال عندهم التزامات مع فرقهم حتى الأحد الجاي ومن بينهم أشرف حكيمي ونصير المزراوي وحكيم زياش فغادي يوصلو على المنتخب وما غاديش يجيو للمغرب.