المزراوي: عندنا منتخب واعر وغادي نديرو المفاجأة فالمونديال

أكد الدولي المغربي نصير المزراوي نجم بايرن ميونخ لالماني، بلي المنتخب الوطني المغربي غادي يفاجأ الجميع فكأس العالم المقبلة فقطر.
نصير المزراوي تحدث فتصريح له لموقع "AFRICA NEWS"، على ليكيب ناسيونال والإمكانيات اللي عندها والمشاركة فكأس العالم 2022، وقال: "عندنا فرقة واعرة، وبجودة مزيانة، وكنملكو لعابا كيلعبو فالبطولة الأوروبية الكبيرة وففرق كبار".
نصير المزراوي أكد أن المنتخب الوطني المغربي غادي يكون المفاجأة وقال: "كنبانو محكورين وحتى حد ما كيتسننا نديرو شيحاجة ولكن عندنا مانعطيو".
وكيتعتبر نصير المزراوي نحم بايرن ميونخ لالماني، من اللعابا اللي معتمد عليهم الناخب الوطني وليد الركراكي والجمهور المغربي باش ليكيب ناسيونال تحقق حضور قوية فكأس العالم المقبل بقطر.