ميساج مهم من الوينرز للعابا وجمهور الوداد باش الفرقة تربح التواركة

وجه فصيل الوينرز المساند للوداد الرياضي ميساج للعابا ديال الحمرا وجمهور الفرقة، باش يكون فنهارهم اليوم فالماتش اللي غادي يجمع بطل المغرب وإفريقيا مع اتحاد تواركة فتيران المركب الرياضي محمد الخامس بالدار البيضاء، ضمن الجولة 8 من البطولة الاحترافية لكرة القدم.
الوينرز أكد على أن الرباح فماتش اليوم ضروري، وأن اللقاء ضد اتحاد تواركة هو الأول بالنسبة للفرقة فشهر نونبر وهو الشهر اللي تأسس فيه لكروب، بالإضافة إلى أن الانتصار مهم لتأمين الصدارة ولمواصلة سلسلة النتائج الإيجابية والوصول للنقطة رقم 20.
وقال الفصيل الودادي على التواركة والملابس ديال اليوم: "فريق كيحتل مقدمة الترتيب وحقق بداية مثالية، الشي اللي كيعني أن المباراة ما غاديش تكون سهلة وخاص يكون الحذر وأن التحلي بالمسؤولية لتفادي أي مفاجئات ممكنة".
ورسل الوينرز ميساج للعابا وجمهور الحمرا وقالهم: "راه واثقين فاللعابا والطاقم التقني ومنتسناو منهم 90 دقيقة من الشراسة في الدفاع عن القميص، وكنوجهو النداء لأعضائنا ولكافة أنصار الوداد الرياضي لتجهيز حناجرهم وخلق الاحتفالية والهيستيريا للدفع بالوداد نحو النقاط الثلاث".