البطولة.. الماص ربحت طنجة وغرقتها

رجع إتحاد طنجة وخسر مرة أخرى ماتش جديد فالبطولة الإحترافية من بعدما انهزم اليوم الجمعة، مع المغرب الفاسي فطنجة ضمن الجولة 7.
المغرب الفاسي ربح إتحاد طنجة بنتيجة 3 لبيوتا مقابل 2، وماركا البيت الأول فالدقيقة 21 بواسطة طرق استاتي، وجاب إتحاد طنجة التعادل مع نهاية الشوط الأول بهدف ماركاه عبد اللطيف أخريف.
وفالجولة الثانية، غادي يرجع الماص يتقدم مرة أخرى فالماتش بهدف ثاني سجلو أيوب الوراسي فالدقيقة 54، من بعدها غادي يتمكن فوزي عبد المطالب من تسجيل التعادل مرة أخرى لطنجاوة فالدقيقة 61، لكن الماص غادي يتحصل على ضربة جزاء ماركاها الكابيتان ديالو محمد لفقيه وعطاه البيت الثالث اللي هو بيت الرباح.
المغرب الفاسي من بعد هذا التعادل طلع للمركز الخامس مؤقتا برصيد 11 نقطة، أما إتحاد طنجة راه غرقت فأسفل الترتيب برصيد نقطة وحدة، مع العلم أن الفرقة خسرت 6 الماتشات من 7 لعبتهم وتعادلت فواحد.