قضية وفاة توريست سعودي فكازا.. السفارة ديال بلادو دخلات على الخط: عندنا الثقة التامة فالعدالة المغربية

السفارة السعودية فالرباط دخلات على الخط فقضية وفاة مواطن سعودي فكازا قبل أيام قليلة فأوطيل كان نازل فيه.
وأعلنت السفارة، في بلاغ لها، نشر على موقعها الرسمي، بأنها تابعت تفاصيل هاد الحادث منذ وقوعه مع السلطات المغربية المختصة، وتبين بأن الضحية تقتل على أيدي مجموعة من حراس الأمن خدامين فلوطيل اللي كان نازل فيه التوريست السعودي فكازا.
وأكدت السفارة ان القضية مزال قيد التحقيق في النيابة العامة، بعد إلقاء القبض على المشتبه فيهم لاستكمال مجريات التحقيق، مشددة على أنها تتابع باهتمام بالغ مع الجهات المختصة في المغرب مجريات القضية، وأنها على ثقة تامة بالعدالة المغربية.
وأوضحت السفارة أنها كتنسق دبا مع السلطات المغربية المختصة لنقل جثمان الراحل إلى السعودية بعد استكمال الإجراءات اللازمة.
وراجت هاد الايام قصة اخرى على موت المواطن السعودي، كتقول انه ماماتش في البواط ومادخلش ليه اصلا، هو نازل فالفندق مع صاحبو اللي من نفس الحنسية، وول البارح خرج من الغرفة و داه مول الطاكسي لوجهة مامعروفا، قبل ما يرجع وهوا أنورمال، مع الحداش، قبل مايتحل الملهى، دخل للسوبر ماركيت وخرج مشا للبحر ورجع وهو سارد، يعني حوايجو فازگين وهو فحالة هستيرية كيغوت "الله اكبر الله اكبر" وكيضرب اللي كيتلقى ليه. وماعارفينش فين كان السعودي قبل مايرجع للاوطيل؟ واش خدا شي حاجة طلعات ليه الهستيرية؟
القضية دابا مرونة، و 3 من حراس الأمن ديال الاوطيل معتاقلين و4 اخرين فحالة سراح.