ها ديال من هاد الطونوبيلة اللي كدور فكازا والاغلى فالعالم وثمنها ب4 مليار. مولاها عندو گاراج فيه طونوبيلات غاليات بزاف ودخلهم للمغرب بعد اعتقال الامراء لملايرية فالسعودية

هاد ليام كدور تصاور لطونوبيلة "پوگاتي" الماركة الايطالية الراقية . هاد التصاور تخادو باش كانت هاد الطونوبيلة ف"كاصا خوسي" اللي كاينة فالمدينة الخضرا فكازا. الطونوبيلة يمكن. كنقولو يمكن٬ هي الاغلى اللي كدور فالبلاد.
الطونوبيلة حسب معطيات توصلت بيها "كود" ديال رجل اعمال سعودي عندو قصر ضواحي كازا. هاد الطونوبيلة ما عندهاش ماتركيل مغربي بل سعودي وكيكون اللاور صافي.
مصدر "كود" المتخصص فبيع الطونوبيلات الغاليين٬ قال باللي ثمن هاد النوع من پوگاتي ثمنها 3.5 مليون اورو بلا ضريبة. اي كثر من 4 مليار.
حسب نفس المصدر ل"كود" فهاد الطونوبيلة وحدة من عشرات الطونوبيلات كيملكهم هاد رجل الاعمال السعودي. عندو شي طونوبيلات ما منهمش عدد كثير فالعالم بحال فيراري صفرا وانواع كثيرة.
نفس مصادر "كود" هاد السعودي كان دخل هاد الطونوبيلات للمغرب فالوقت اللي كان شد فيه ولي العهد السعودي عدد من الامراء و لملايرية السواعدة فاوطيل الريدز وتفاهم معاهم وخلصو فلوس كثيرة قبل ما يخرجو.