منعات "الأسئلة الباسلة" فالروشيرش.. "كَوكَل" غادي تعلن على ميزات جديدة

علنات شركة "كَوكَل" أنها غادي توقف الأجوبة على "الأسئلة السخيفة" اللي كيطرحو بعض الناس، وهادشي داخل فإطار الخدمات الجديدة ديال تحسين السيرفيس ديال هاد النافيكَاتور العملاق.
"كَوكَل" قالت أن ملايين الدولارات كضيع فالنهار على الشركة بسباب الناس غير الجديين واللي غير كيتفلاو فالروشيرش ديالهم عبر الموقع، واللي كيسولو أسئلة فشي شكل بحال مثلا "فين ممكن نلقى صباطي اللي تجلى ليا؟!".
وفنفس الوقت، قالت "كَوكَل" أن "الأسئلة الباسلة" واللي ماعندها معنى ولا فايدة، كتضر حتى المستعملين ديال النافيكَاتور بلا ما يحسو، وكضيع الوقت ديال الكليان.