ف24 ساعة.. دب قتل 3 ديال الأشخاص والسلطات قررات تعوض عائلات الضحايا

هاجم دب فولاية أوديشا الهندية، 3 ديال الناس، وقتلهم خلال 24 ساعة.
جورنال "The Times of India"، قال بللي الحادث وقع فعروبية "سامار سينكَ" فولاية أوديشا نهار 17 من هاد الشهر، بعدما مشا واحد من الضحايا للغابة باش يجيب الحطب ومارجعش، وتبعوه صحابو ووحدين من عائلتو يقلبو عليه.
هاد الناس اللي كانو كيقلبو على الضحية اللولة حتى هوما هجم عليهم نفس الدب، و 2 منهم قدرو يطلعو فشجرة ويهربو منو، و لكن 2 آخرين قتلهم.
السلطات الهندية قررات تعطي مبلغ "400 ألف روبية" (حوالي 5 آلاف دولار) لأسر الضحايا كتعويض على هاد المأساة اللي ماتو فيها أفراد منهم.