مشاكلهم قديمة.. شاكيرا فايت حيحات على بيكي قدام كلشي فالشارع حتى مشا ليها الصوت

قالت الصحافة الصبليونية أن المغنية الكولومبية شاكيرا كانت أجلات جولتها العالمية ف2017 حيت مشا ليها صوتها بعدما ضاربات مع مدافع فريق برشلونة جيرار بيكي فالشارع وشبعات غوات.
الصحافية سيلفيا تاولز، قالت فبرنامج "Sálvame" ديال قناة "Telecinco" الإسبانية، بللي المشاكل بين شاكيرا وبيكي قديمة وبدات ف2017 ولكن هوما بقاو مخبينها وما بغاوهاش تخرج للصحافة.
وقالت الصحافية أن شاكيرا وبيكي، من بعد كَاع المشاكل اللي بيناتهم، ما كانوش باغيين يعلنو الانفصال ديالهم بشكل رسمي لولا أن الخبر خرج للإعلام، لأنهم كانو عايشين علاقة مفتوحة، وكل واحد داير اللي بغا، واتافقو باش تكون مصلحة وليداتهم هي اللولة وفوق كلشي.