التقليد على شاف كويزينيي مشهور.. عشبة بحرية هي السر فالفورما ديال بنزيمة ورونالدو وميسي

من غير أنهم كيترينو مزيان، كيعتامدو اللاعابة ديال الفوتبول على واحد النبتة ديال فالبحر، كتعاونهم وكتعطيهم القوة باش يكون مستواهم الفورما ديالهم ديما طوب فالتيران.
الشاف كويزينيي ألبيرتو ماستروماتيو (Alberto Mastromatteo) اللي كيتعامل عادة مع رونالدو وميسي وبنيزما وغيرهم من اللعابة ف"لاليكَا" ومشاهير آخرين، قال فحوار مع جورنال "إنفورماليا" (Informalia)، بللي كيزيد واحد النبتة بحرية فالماكلة ديال اللاعابة دالكورة فيها الطاقة والقوة.
وقال الشاف الكويزنيي الصبليوني بللي كيزيد طحالب البحر فالماكلة ديال الكوايرية، حيت فيها بروتينات أكثر ب7 مرات من هاديك اللي فالخضرة واللحم.
ومن بين أنواع الطحالب اللي كيتعطي الطاقة وغنية بعدد من الفيتامينات و البروتينات كاينة "السبيرولينا" (Spirulina) و"الكلوريلا" (Chlorella)، اللي كتحارب الشيخوخة وكتنقي الدم وكتحمي من الالتهابات.