كانت غادي تسطي الضيوف.. عروسة فميريكان دارت الحشيش فالماكلة – فيديو

عروسة في فلوريدا الميريكانية متهمة بتعريض حياة الناس للخطر بعدما حامت عليها شبهات أنها دارت الحشيش فالماكلة ديال العرس.
المعروضين لعرس الكوبل "أندرو سفوبودا" و"دانيا شيا سفوبوداغير كلاو وسخنو وعطاوها للشطيح، واللي عمرو ضرب المخدرات شداتو الدوخة والطيارة، وكاين منهم اللي هزوه للصبيطار، وكاينة واحدة من الضيوف الضحايا دارت شكاية عند البوليس.
العروسة فاللول اعتارفات وقالت أنها دارت شي حاجة مزيانة للمعروضين، ولكن مللي بان ليها القضية فيها البوليس نكرات، وقالت بللي ما عندها علاقة بالحشيش اللي فالماكلة.
دبا تم توقيف العروسة المتهمة وفتحو معاها لونكيط.