مسخوط هادا.. مول ريسطو كيدير الحشيش ف الماكلة باش يشد الكليان

البوليس في الشينوا قرقبو على واحد مول ريسطو كيزيد الحشيش فالماكلة بنية أن الناس يتبلاو بالماكلة ديالو ويبقاو يجيو ياكلو عندو ديما وهكدا يشد الكليان.
تفاصيل الواقعة بدات ملي شاف واحد الراجل فيديو كيحذر من ريسطو آخر كيدير بحال هاد الفعايل، وبقا شاك واش الريسطو اللي مولف كياكل فيه كيدير هادشي حتى هو، حيت لاحظ أنه ولى مبلي بيه بلا قياس.
الراجل مشا للريسطو اللي كياكل فيه وفعلا جاب شوية من الماكلة وداها من بعد للبوليس يديرو عليها تحاليل و فعلا لقاو الحشيش كاين من بين مكوناتها.