العريس جاه تسمم ومشا للصبيطار.. والعروسة كملات الحفلة وشطحات مع تصويرتو! – تدوينة وفيديو

ميريكانية وجدات عرسها، لكن الزهر والميمون العريس جاه تسمم فنهار الحفلة ومشا للصبيطار.
العروسة اللي سميتها كريستين كارمير (Christine Karmire) مالغاتش العرس وجبدات تصويرت راجلها، اللي سميتو كَانون (Gannon Karmire)، ف "أيپاد" وقاداتها فوق مونيكة و بدات كتشطح ونشطات مع عائلتها وضيوفها وفرحات مع راسها.
https://www.facebook.com/gannon.karmire/posts/10159559845039220
كيف العادة كاين اللي جاتو الفكرة زوينة، وكاين اللي قال أنه كان عليها تسناه حتى يتشافا ويديرو العرس على حقو وطريقو مجموعين، وزادو قالو أنالسيدة باينة أنانية و مامسوقاش لصاحبها، خصوصا فنهار ديال العرس اللي من المفروض يكونو بجوج مجموعين و فرحانين.
لكن من بعد تكلم العريس وشرح أشنو وقع بالتفصيل و بالضحك، فتدوينة على صفحتو ف "فايسبوك"، وكان فرحان وعاجبو الحال مللي مراتو كملات الحفلة ودارت الصواب مع الضيوف وعاشت اللحظة وهو خرج روطار من الصبيطار وداز للعرس قبل ما يرجعو مجموعين للدار طرونكيل.
وها الفيديو:
https://www.tiktok.com/@thevictorianyoungsville/video/7030992413334310149?is_from_webapp=1&sender_device=pc&web_id7034626054916457990