من بعد فراقو مع شاكيرا.. بيكي خسر بلاصتو فالبارصا

من بعد قضية الخيانة لصاحبتو السابقة المغنية العالمية شاكيرا، الأسهم ديال جيرار بيكي بدات كتنزل وسط فريق برشلونة الإسباني ووضعيتو ولات صعيبة.
المدرب ديال البارصا تشافي وصل ميساج لبيكي بللي ما غاديش يعول عليه بزاف فالسيزون الجاية، وما غيبقاش يلعب كمدافع أساسي كيف مولف قبل سواء فمنافسات لاليكَا أو كاس الملك.
جورنال "سبورت" الكطالوني قال بأن تشافي تلاقى بيكي السيمانة اللي فاتت وقال ليه ديريكت بللي بلاصتو كمدافع أساسي فنادي برشلونة ما بقاتش، بسباب النيفو ديالو اللي تراجع وحتى بسباب السلوكات ديالو خارج الملعب، فإشارة لقضية خيانته لشاكيرا، حسب نفس الجورنال.