أكد نزار بركة، وزير التجهيز والماء، أن بلادنا شهدات منذ فاتح شتنبر 2021 وإلى غاية يوم 13 يونيو الجاري تساقطات مطرية تراوحات فالمعدل بين 10.5 ملم و308 ملم، وهو ما يشكل عجزا يقدر ب48 فالمية على الصعيد الوطني مقارنة مع معدل التساقطات لنفس الفترة. المسؤول الحكومي فجوابو على سؤال كتابي كان تقدم بيه الفريق الحركي ذكر بللي حجم المخزون المائي بحقينات السدود وصل لغاية 20 ماي 2022 حوالي 5,28 مليار متر مكعب أي ما يعادل 32,8 فالمية كنسبة ملء إجمالي، مقابل 49,8 فالمية تسجلات فنفس التاريخ من العام الفايت. وغادي يمكن المخزون المائي المتوفر دبا، حسب الوزير بركة، تأمين حاجيات الماء الصالح للشرب بالنسبة لجميع المدن الكبرى المزودة انطلاقا من السدود فظروف عادية، باسثتناء الموجودة بأحواض ملوية وأم الربيع وتانسيفت وزيز، واللي كتعرف نقص فالما بالنظر للمخزون المائي الحالي الصعيف بحقينات السدود بهاد الأحواض.