آخر ما كين فالنقلة.. لجنة ديال الحراسة فكلية الحقوق دالمحمدية وقفات واحد لابس حوايح صاحبتو وجاي يدوز الامتحان فبلاصتها – تصاور

وقفات لجنة ديال الحراسة اليوم فكلية العلوم القانونية والاقتصادية والاجتماعية بالمحمدية طالب كان متخفي في حوايج صاحبتو ودخل يدوز في بلاصتها الإمتحان.
وحسب معطيات "گود" فراه هاد الطالب عكر ودار الزيف النظاظر والبزازل من لفوق ودخل بلا حشمة بلا حيا يدوز الإمتحانات قبل متشدو لجنة الحراسة في لاخر ديال الحصة وعيطو للبوليس لي جاو داوه.
وبان حسب مصادر "گود" انا ختنا عفوا خونا لي لابس حواج بنت دخل يدوز في بلاصتها باش تنجح وهذا هو لكيتقال عليه من الحب ما قتل.
وفي ملف اخر راه شي طالب اخر حصل مدخل معه ساطورة للامتحان، تا واش هاد جايين يدوزو الامتحان ولا يحررو مستعمرة مصيبة هاد الشي الكليات خصها تجمع راسها ضد هاد الممارسات.
بحال الشكل ديال سطات لي ولات البلطجة فيها بالعلالي والتشهير في الصباح والعشية والعنف الواقعي والرمزي والسي الميراوي ضارب الطم.