تفاصيل عملية الشفرة ديال اومبيلونص فطنجة اللي تقلبات فواد.. ها كيفاش بدات وها كيفاش سالات

تمكنات "لابيجي" فطنجة، البارح الثلاثاء، من توقيف جوج أشخاص عندهم فالعمر 22 و23 سنة، واحد فيهم من ذوي السوابق القضائية. هاد الموقوفين متورطين بجوج فقضية كتتعلق بالشفرة المقرونة بالعنف وإلحاق خسائر مادية بممتلكات عامة والاعتداء على موظفين عموميين أثناء مزاولتهم لمهامهم.
وكان واحد من هاد المتهمين تعدا بجنوية على شي طالب أجنبي عايش فالمغرب، قبل أن يهدد طاقم سيارة إسعاف حضرت لنقل الضحية باستعمال ذات السلاح الأبيض ومن بعدها غادي يشفر هاد لومبيلونص ويهرب بيها متسببا فحادث أسفر عن انقلاب هذه السيارة في قناة لمجرى مائي، مما تسبب في إلحاق خسائر مادية مهمة بها.
الأبحاث والتحريات المنجزة فهاد القضية أسفرت، كيف قال مصدر أمني، عن تحديد هوية كل من المشتبه فيه الرئيسي وشخص آخر متورط في المشاركة في ارتكاب هذه الأفعال الإجرامية، حيث تم توقيفهما بعد مرور وقت وجيز وهما في حالة سكر وتخدير متقدمتين.