هكا غير غايزيدو يشجعو الناس تفرج فيه.. المجلس العلمي الأعلى فالمغرب باغي يمنع فيلم على بنت الرسول وتبريراتو ضعيفة بزاف فهاد الزمان

المجلس العلمي الأعلى دار بلاغ عبر فيه على استنكارو الشديد لهادشي اللي جا ففيلم تم إنتاجو مؤخرا عنوانو "سيدة الجنة – The Lady in Heaven"، اللي كيعاود قصة حياة بنت الرسول فاطمة الزهراء.
المجلس الاعلى زاد انه كيرفض رفض قاطع للتزوير الفاضح اللي فالفيلم لحقائق ثابتة فالتاريخ الإسلامي، وقال ان هاد التزوير كيسيء للإسلام والمسلمين.
وطلب المجلس من الدولة ومؤسساتها المختصة تمنع الفيلم، ولكن بلا مايعطي حتى تبرير حقيقي ومقنع. حيت هذا عمل فني ، ماخاصش يكون فيه "منع".
قرار المنع كارثي بالنسبة للفن، وخطير بالنسبة لحرية التعبير، وهاد ثقافة الإلغاء راها كتخلع، حيت مايمكنش اي عمل ماعجبناش ولا ماتافقناش معه نبغيو نلغيوه ونمنعوه..
واصلا، بهاد الطريقة ديال التنديد والمنع، المجلس العلمي الاعلى كيشجع الناس باش يشوفو الفيلم ماشي العكس.