الشينوا بدات كتشجع على الولادة ومنها تروج سوق العقار.. اللي عندو 3 دراري للفوق غيزيد يستافد من دار أخرى

قررات أكثر من 12 مدينة فالشينوا باش تسمح للعائلات اللي عندها 3 ديال الوليدات يشريو دار ثانية فمحاولة لإنعاش سوق العقارات الراكد فالبلاد مدة هادي، وأيضا للحد من انخفاض معدل الولادات.
صحيفة "The Times" البريطانية قالت بللي السلطات الصينية فارضة على العائلات فعدد من الولايات باش تتملك غير دار وحدة.
ومن جهة أخرى السلطات قالت أن الأسر اللي عندها 3 دالوليدات أو أكثر غتكون عندها الأولوية فاش غادي تعرض ديور جديدة للبيع.
الشينوا بدات كتواجه أزمة ديموغرافية كبيرة بسباب سياسة "الطفل الواحد"، اللي اعتمدها الحزب الشيوعي الحاكم، وتسببت في جعل المجتمع الشينوي كيعرف نسب عالية من الشيخوخة.