استنفار أمني فباب مليلية.. المواطنين فالناظور خرجو حتى هوما كيتسناو السلطات تفتح المعبر الحدودي – تصاور

استنفرات الأجهزة الأمنية فالناظور كل العناصر ديالها، ليلة الأربعاء، بسباب توافد العشرات من المواطنين للمعبر الحدودي باب مليلية، الشي اللي خلق مشكل فالمنطقة.
وحسب مصدر محلي ل"كَود"، فإن تحرك المواطنين للمعبر الحدودي باب مليلية جا بعدما تداولات فيديوهات فوسائل التواصل الاجتماعي من داخل مليلية كتوثق الشكل الاحتجاجي ديال سكان المدينة المحتلة اللي كيطالبو بفتح الحدود.
وحسب المصدر نفسو، مزال مكاين حتى شي تحرك من الجانب الإسباني، كيبين أنهم غايفتحو المعابر الحدودية فهاد الساعات المقبلة، فحين أن الجانب المغربي على أتم الاستعداد فأي لحظة يفتحو الحدود.
التحرك ديال المواطنين للمعبر الحدودي، جا بعد تداول أخبار كتفيد بللي الحدود غتفتح فالساعات الأولى من صباح اليوم الخميس، فحين أنه لحدود الساعة ماكاينش شي حاجة رسمية من الجهات المعنية.