مراكز الإيواء فالمدينة عمرو.. سلطات مليلية لاحو مغاربة فحلبة ديال الكوريدا وحالتهم خايبة

لاحت سلطات مليلية المحتلة، مجموعة من المواطنين مغاربة كانو فالمدينة عايشين بطريقة غير قانونية، فحلبة خاصة بمصارعة الثيران.
هاد المغاربة عددهم كبير، ولاحتهم سلطات مليلية المحتلة فالحلبة المذكورة، بسبب ما قالت وسائل إعلام محلية، أن مراكز الإيواء ديال المهاجرين، عمرات بسباب الحدود اللي تسدات أكثر من عامين، وبقاو الناس حاصلين تماك.
وحسب المصادر نفسها، المئات ديال لمغاربة حالتهم خايبة فهاد الحلبة ديال الكوريدا، بحيث ما عندهوم لا طواليطات ولا دوشات فهاد لبلاصة، حسب تقرير دارتو مفوضية حقوق الإنسان فأوروبا، اللي قالت بلي راهم مكرفصين بزاف.