الناس فالناظور كاعيين على الغش فالبوطاكَاز وكيطالبو السلطات دير خدمتها

ارتافعات مؤخرا أصوات سكان مدينة الناظور، اللي كطالبو السلطات دير خدمتها، بحيث ولات مادة الكَاز اللي كيستعملوها فديورهم، كلها مغشوشة.
وحسب تصريحات مواطنين ل"كَود"، قالو بلي البوطا اليوم ولات ماكدوزش ليهم فالأيام العادية حتى شهر، وفاش كيستعملو الكَاز بزاف فالدار كتكون المدة أقل، وديما كيلقاو "البوطة عامرة فاللخر بالما"، الشي اللي كيدل على أن الغش كاين.
وزادو قالو بللي المقارنة اللي داروها بين البوطة المعدنية، والپلاستيكية اللي خرجات جديدة، تأكدو بللي الشركة اللي كتعمرهوم، كتغش فالمعدنية حيث صعيب تكتاشف عملية الغش، أما الپلاستيكية فمايمكنش يكون فيها الدغل حيث ساهلة تفضح.