بنكيران: السياسة تخربات.. يلا بغا المغرب يمحينا غايمحينا ولكن عمرو يمحي مساهمتنا فاستقرار الدولة

قال عبد الاله بنكيران، الأمين العام لحزب العدالة والتنمية، بأن "الوضع لي كاين دبا هو أن الاحزاب كتلقا غير المناصب والمكاسب"، مضيفا "معظم الاحزاب مبنية على منطق واش استفدتي ولا مزال واش وصلاتك النوبة ولا مزال ".
وأضاف بنكيران، في مؤتمر جهوي لحزبه بجهة بني ملال خنيفرة اليوم الأحد، متحدثا عن منطق الوزيع بين الأحزاب، بالقول :"هادشي بهاد الطريقة السياسة خربت وربما سوف تخرب وغاتلقا الدولة راسها بوحدها مبغيناش الدولة تبقا فالصف ديالها ويلا بغيتو الدولة تبقا فالصف ديال المغاربة، خاص يكون على الاقل حزب قوي وعندو المبادئ".
وتابع بنكيران "ملي جات النتائج الاخوان محتجوش قالو مفهمناش، ومكان لا احتجاج ولا والو.. مانضيعوش وقت فداكشي غانمشيو للمستقبل، هادشي هو حجر الاساس".
وشدد المتحدث :"خاص حزب يرفع لواء المبادئ باش الدولة تلقاها مع الشعب".
وذكر بنكيران بالتجارب العربية لي كان فيها احداث وتخريب، وكيفاش حزب العدالة والتنمية ساهم باش يكون السلام والاستقرار فالمغرب.
وتابع :"يلا المغرب بغا يمحينا يجيب الممحاة ويمحينا ودفنا كاملين، ولكن ماعمر يمحي بلي العدالة والتنمية ساهم في استقرار الدولة في 2011 ابان الربيع العربي لي احرق الاخضر واليابس".
وأضاف المتحدث :"يلا تراجعنا غانتمحاو ..ماشي الداخلية لي غادي تمحينا".