عاود اكد اللي گالو ل"كود". بنكيران فبرلمان حزبو: بيزاغ هاد الحملة ضد اخنوش وماشي معقولة

الأمين العام لحزب العدالة والتنمية، عبد الإله بنكيران، كاعي على هاد الحملة المشبوهة اللي كتطالب عزيز أخنوش رئيس الحكومة بالرحيل. مستغرب من توقيتها وما فاهمش الجهة اللي داعماها.
رئيس الحكومة السابق، بنكيران اليوم السبت 19 فبراير 2022 فالمجلس الوطني لحزبو، قال باللي أخنوش يمكن المطالبة بالرحيل ديالو في الخمس الأشهر الأولى من التسيير للحكومة ماشي دبا، مضيفا: "يلا كان أخنوش خاصو يمشي هادشي خاصو يكون بعد عام على الأقل وتكون الانتخابات ماشي يجي شي آخر من حزبه".
ووصف بنكيران الحملة ضد أخنوش ب"ماشي معقولة وبيزاغ" على حد وصفه.
هاد لكلام قالو مسؤول سياسي معروف موقفو من اخنوش وسبق قالها ماشي شي حد اللي عندو اليوم علاقة مزيانة بيه٬ لكن واخا معارض ليه٬ ما باغيش يطيح فالفخ. هو بنكيران براسو كان عانى من هاد الحملات المشبوهة باش تنسف حكومتو