ولد بنبركة على اتهام باه بالتجسس: هاديك وثائق جهار استخباراتي وممكن ما كاملاش

البشير ولد المهدي بن بركة قال ل"لگارديان" البريطانية بخصوص اتهام والده بالتجسس وبيع معلومات عن بلاده٬ ان علاقتو=المهدي= بالدول الاشتراكية والدول الاخرى كانت ببساطة علاقة كل فرد ملتزم بزاف بالصراع العالمي ضد الامبريالية والاستغلال الاستعماري فديك الحقبة.
واوضح ان الوثائق اللي كتهدر على والدو راها من انتاج جهاز استخباراتي٬ وممكن تكون ما كاملاش او محتاجة للدراسة اكثر
وكانت "الگارديان" البريطانية، نشرات اليوم الأحد، وثائق جديدة حصلت عليها من تشيكوسلوفاكيا اللي كانت تابعة داك الساعة للاتحاد السوفيتي على المهدي بنبركة، كتقول انه كان جاسوس.
وقالت الصحيفة فمقال بعنوان "الشاف دالمعارضة المغربية المهدي بنبركة كان جاسوس حسب وثائق من الحرب الباردة" أن هاد الوثائق اللي حصلت عليها واللي كانت لحد الساعة كلاسيفيي، كتفيد بأن بنبركة كان جاسوس ديال الأمن القومي التشيكوسلوفاكي، (بالتشيكية: Státní bezpečnost STB) وكان عميل مزدوج.
وأفادت الوثائق اللي نشرتها "الگاريديان" البريطانية، بأن بنبركة ماكانش على علاقة غير بالحكومة فتشيكوسلوڤاكيا، بل كان كيشد الفلوس حتى من جهات اخرى مقابل توصيل معلومات عديدة.