من بعد 6 شهور على موت الكلب ديالو.. جو بايدن دخل جرو جديد للبيت الأبيض! – فيديو

نهار الإثنين الفايت جاب الرئيس الميريكاني جو بايدن كلب بيرجي جديد (Berger Allemand) للبيت الأبيض.
الكلب اللي مازال جرو (تزاد ف1 سبتمبر الفايت) سميتو "كوماندر" (Commander) هو هدية لجو من خوه جيمس بمناسبة عيد ميلادو ال79.
وكان الكلب "تشامب"، اللي كان عند العائلة ديال بايدن، مات فشهر يونيو بعدما دوز معاهم 13 لعام وهادشي اللي أثر على لافامي ديال الرئيس الميريكاني وبقا فيهم الحال بزاف.
ومن غير هادشي، قرر بايدن باش يحيد الكلب ديالو الآخر "مايجور" لأنه شحال من مرة هجم على السيكيريتي وسط البيت الأبيض وعضهم.