فاش ضرباتو الحزقة.. ويل سميث تسلف الفلوس من عند بزناس باش يصوڤي راسو

اعتارف الممثل ويل سميث أنه فايت ليه تسلف الفلوس من عند بزناس ديال لادروكَ في واحد المرحلة من حياتو.
الممثل الميريكاني اللي بدا كيروج للكتاب ديالو بعنوان "WILL"، قال أن قيمة الكريدي اللي كان ضبرو من عند البزناس وصلات ل10 آلاف دولار وكان محتاج ليه بزاف بسباب الكريديات لوخرين اللي كان غارق فيهم.
ووضح ويل سميث أنه باع اللي قدامو وموراه، وملي احتاج الفلوس زيادة مشا عند واحد صاحبو بزناس وتسلف من عندو باش يبدا حياة جديدة في لوس أنجلوس.
ومباشرة بعد هاد التجربة ديالو، حصل على دور البطولة في أول مسلسل ليه فديك الفترة ودخل عالم الشهرة من أبوابها الواسعة.