مرا تاهمات بوب ديلان باغتصابها بعدما سكرها فاش كان عندها 12 عام

رفعات مرا دعوى قضائية على المغني والملحن ومؤلف الأغاني الميريكاني "بوب ديلان" وقالت أنه تعدا عليها جنسيا بعدما سكرها وعطاها الحشيش سنة 1965، فاش كان عندها ديك ساعة 12 عام.
المتحدث بإسم بوب ديلان، اللي هو أول كاتب أغاني كايربح جائزة نوبل للأدب (2016) اللي عندو دابا 80 عام، نكر هادشي كامل وقال أنه غادي يتصدى للكذوب اللي قالتو السيدة.
المرا قالت أن ديلان تعدى عليها و احتاجزها في البرطمة ديالو اللي كاينة في نيويورك (New York's Chelsea Hotel)، لمدة شهر و15 ليوم وهادشي اللي ضرها بزاف ف حياتها وسبب ليها مشاكل نفسية.
ووضحات أن المغني استغل مكانتو الموسيقية وسكرها وعطاها الحشيش قبل ما يتعدى عليها.