ها الجديد.. اختراع كارطة كتغرس فالجلد باش تخزن بيانات الپاس ڤاكسينال – فيديو

طورات الشركة السويدية "Epicenter"، المتخصصة فالابتكار الرقمي، كارطة رقيقة يمكن الواحد يغرسها فالجلد ديالو باش يخزن البيانات ديال الپاس ڤاكسينال الخاص بالتلقيح ضد كورونا.
وكشفات جريدة "ديلي ميل" البريطانية أن هاد التقنية كتخلي الواحد يعرف معلومات على "جواز التلقيح" ويمكن الواحد يغرسها فالذراع ولا صباع يدو.
هاد لاكارط كتكونيكطا مع أي تلفون فيه تقنية "NFC"، اللي خاصة بالإتصال قريب المدى وفيها كَاع المعلومات اللي يحتاج الواحد باش يقضي أغراضو.
لاكارط صغيرة ودايرة بحال شي حبة ديال الروز يمكن الواحد يديرها فلحمو ويخرجها بسهولة بلاما يتقصح وبدون مشاكل، حسب ما قالت الشركة.
هاد لاپوس ماصالحاش غير للپاس ڤاكسينال ولكن يمكن بواسطتها تخزين جميع البيانات فالمستقبل.