كاس السوپر الإفريقي بين الرجاء و الأهلي.. ها التوقيت و ها التشكيلة باش غايبداو الماتش

الجمهور المغربي ومعاه كل عشاق كرة القدم الإفريقية كيتسناو الماتش ديال كاس السوپر الإفريقي بين الرجاء البيضاوي والأهلي المصري، اللي غايتلعب هاد العشية فتيران "السد" فقطر. الماتش غايبدا مع 18h00 بتوقيت المغرب.
وغايلعب الرجاء هاد المقابلة، اللي كتنظم للمرة الرابعة فالدوحة في إطار اتفاقية بين الاتحادين الإفريقي والقطري، بصفتو بطل كأس الاتحاد الإفريقي اللي ربحها على حساب شبيبة القبائل الجزائري ب2–1، (يلعب) ضد الفريق المصري، بطل عصبة الأبطال الإفريقية فالنسخة اللخرة.
ومن المتوقع باش يبدا مدرب الرجاء البلحيكي مارك فيلموتس هاد الماتش المهم بالتشكيلة التالية:
الكَارديان : أنس الزنيتي.
الدفاع: جمال حركاس، مروان هدهودي، عبد الإله مدكور، محمد أزريدة.
الوسط: عمر العرجون، فابريس نغوما، محسن متولي.
لاطاك: عبد الإله الحافيظي، حميد أحداد، ومحمود بنحليب.
فالوقت اللي الأهلي المصري غايدخل بهاد الأسماء:
الكَارديان: محمد الشناوي.
الدفاع: بدر بانون، وحمدي فتحي، وأيمن أشرف.
الوسط: علي معلول، وعمرو السولية، وأليو ديانغ، وأكرم توفيق.
لاطاك: محمد مجدي أفشة، وبيرسي تاو، وحسين الشحات.