أطول مدة إصابة بالفيروس ف العالم.. مرا شداتها كورونا 335 يوم

نجحات ميريكانية، عندها 47 عام، أنها تتغلب فالنهاية على إصابتها بفيروس كورونا اللي بقا فيها 335 يوم، وولات صاحبة أطول مدة كيبقى فيها الفيروس قذات شي مصاب.
مجلة "ساينس ألرت" (ScienceAlert) قالت أن المرا، اللي ما تذكراتش سميتها، كانت عندها مناعة ضعيفة بسباب العلاج ديالها من كونصير الدم هادي 3 سنين، واللي تهنات منو.
هاد المدة كاملة بقات المرا متبعة الدوا وكتعالج لمدة 10 شهور وكشفات أخيرا التحاليل أن النتائج سلبية و برات من مضاعفات الإصابة بفيروس "كوفيد-19". على سلامتها!