على سلامتها.. بريتني سبيرز تهنات رسميا من الوصاية ديال باها وتقدر تصرف ف ممتلكاتها

من بعد 13 العام على الوصاية، نجحات المغنية الميريكانية بريتني سبيرز أنها ماتبقاش تحت الوصاية ديال باها، وتتصرف أخيرا في الممتلكات ديالها بكل حرية.
القاضية في المحكمة العليا ديال لوس أنجلوس قالت أن الوضع الحالي والبيئة السيئة اللي كتعيشها بريتني خاص ضروري مايبقاش باها مسؤول عليها.
وكانت المغنية نوضات حالة على باها ودارت ضوصي فالمحكمة حيت عيات وزادت مرضات بسباب الوصاية المفروضة عليها لأكثر من 10 سنين، وبغات تحس بأنها مسؤولة على راسها وقادرة تتحكم في فلوسها ودير مابغات لأنها مرا بالغة.