حالف حتى يحمقها.. الوالد ديال "بريتني سبيرز"رفض يحيد وصايتو على فلوسها

قال جيمي سبيرز، أب المغنية المريكانية بريتني سبيرز، لبارح الجمعة، أنه رافض يحيد وصايتو على فلوسها.
وزاد، فوثائق المحكمة، أنه دازت مناقشات فالفترة الأخيرة ياش يعاودو يحطو بريتني ف مصحة نفسية، لتقييم حالتها العقلية، حسب وكالة "رويترز".
وأكد الوالد ديال سبيرز أنه عيطات ليه المسؤولة عن الشؤون الشخصية لبنتو، جودي مونتكَمري، فاللول ديال شهر يوليوز، واللي قالت فيه أنها مقلقة على المغنية اللي ماكاتاخذش دواها بالشكل الصحيح.
وقال أن المسؤولة حسات أن بنتو ولات كاتخرج على السيطرة، وهادشي علاش كايخص تخضع لاحتجاز باش يدار تقييم لحالتها النفسية.
وقالت جودي مونتكَمري أن عندها مخاوف بشأن الصحة النفسية لبريتني سبيرز، لكن باها مافهمش مزيان المحادثة ديالها معاه، حيت عمرها قالت ليه أن بريتني مؤهلة لهاد الاحتجاز.
وتم فرض وصاية على بريتني سبيرز في عام 2008 بأمر قضائي للأب ديالها، بعد إصابتها بانهيار نفسي لم يتم الكشف عن الطبيعة ديالو.