على سلامتها.. الوالد ديال بريتني سبيرز قبل أخيرا يتخلى على الوصاية اللي داير عليها هادي 13 عام

بعدما شنات عليه هجوم قضائي وضربات ليه الطر في الصحافة، قبل والد المغنية العالمية بريتني سبيرز باش مايبقاش داير الوصاية عليها ويعطيها فلوسها وتولي حرة دير اللي بغات في حياتها.
ولمدة 13 لعام بقا الوالد ديال بريتني مسؤول عليها، لكن بنتو، مؤخرا، خرجات فيه طول وعرض وقالت أنه كايضرب ليها فلوسها وقامعها وأنها مابقاتش مريضة ومامحتاجاش لوصاية شي واحد وأنها قادرة تتصرف وتتحكم في أمورها كأي مرا ناضجة.
وفي بداية الدعوى القضائية قال باها أنه ماغاديش يتفاك باش يبقى وصي عليها، لكن قرر في الأخير يعطيها حقها ويهز يدو على فلوسها.