حرب على رئاسة مقاطعة طنجة المدينة.. مرشح الحركة الشعبية جايب فيدورات وباغي يخلع كولشي باش يشد الرئاسة – فيديو

روينة وحرب نايضة بين المرشحين لرئاسة مقاطعة طنجة المدينة مع الأعضاء المنتخبين، حيث أفادت مصادر "گود" أن محمد الشرقاوي لي وضع الترشيح ديالو باسم الحركة الشعبية باغي يشد الرئاسة بأي طريقة، واخا يجيب معه فيدورات باش يخلع المنتخبين.
مصادرنا أفادت لجوء المرشح المذكور لبعض الأساليب الدنيئة و لي كتدل على المستوى ديالو، كاللجوء للترغيب والترهيب تجاه المنتخبين من أجل استمالتهم بل الأكثر من ذلك أنه احتجز مجموعة منهم و جا بيهم مجموعين لجلسة التصويت بطريقة مهينة شكلت صدمة للطنجاويين (فيديو).
الجلسة لي تم التأجيل ديالها لبارح بداعي عدم اكتمال النصاب القانوني. في المقابل مرشح حزب التجمع الوطني للأحرار اعزيبو الاطار السابق بوزارة الشباب والرياضة المدعوم من التحالف الثلاثي يدبر مرحلة التحالف بطريقة تتسم بالشفافية و الوضوح مع المنتخبين و مختلف الفرقاء السياسيين .
الفيديو لي طالعت عليه "گود" فيه كروب ديال المنتخبين جابهم هاد المرشح وبحراس شخصيين.
فيديو لموقع طنجاوي