دراسة: النص ديال الناس اللي عندهم الطونسيون ماكيداويوش ريوسهم

كشفات دراسة جديدة أن أكثر من نص المصابين بالطونسيون في العالم، أي نحو 720 مليون شخص، ماكيتبعوش العلاج وهادشي اللي كيعرضهم من بعد لمشاكل خطيرة بزاف ديال القلب والأوعية الدموية.
وحسب الدراسة اللي دارتها جامعة "إمپيريال كولدج" في لندن، وصل عدد الناس اللي كيموتو بسباب الطونسيون 8.5 مليون شخص في العام.
وإيلا الناس تبعو دواهم من الممكن خفض عدد السكتات القلبية بنسبة تتراوح بين 20 و25 % والجلطات الدماغية بنسبة بين 35 و40 %.
وجا في الدراسة أن حوالي 580 مليون شخص في العالم مراض بالطونسيون ومافخبارهمش أصلا.