العافية فغابات الشاون عاد مازادت جهادت وقربات لجوج دواوير.. 4 طيارات كانادير كتحاول تطفيها والبومبية دايرين جهدهم – فيديوهات

العافية مازال كتجهاد وكتحرق فالأخضر واليابس فغابات جبل سونة نواحي شفشاون، ولحد كتابة هذ الأسطر باقي ماتمش السيطرة على النيران، واخا السلطات الصباح جابت 4 طيارات كانادير لهذ المهمة.
وحسب مصاد "كود"، فالعافية قربات لدوار أغبالوا ودوار بني بوهار، التابعين لجماعة تناقوب بإقليم شفشاون، والساكنة ديال هذ الدواوير، ودواوير خرا مجاورة، دايرين جهدهم باش يعاونو فرق التدخل فمهمة إخماد الحريق.
ونشرو مواطنين من الساكنة المحلية للمنطقة فيديوهات كتخلع على حرائق اليوم، واستنكرو فالمقابل الأخبار اللي كتروج وكتقول أن العافية طفات، وقالو أنها أخبار لا أساس لها من الصحة.
https://m.facebook.com/story.php?story_fbid=4371189849613485&id=100001675406940
وحتى كيتم السيطرة الكلية على الحريق فجهة، كتشعل العافية فجهة ثانية بسباب الرياح القوية اللي كاينة.
ومن لبارح فالعشية والعافية شاعلة فغابات شفشاون، والسلطات معتمدة على طيارات الكانادير وشاحنات صهريجية باش تطفي العافية ومازال للآن ماتمت السيطرة عليها.
وتزامنات هذ الحرائق مع حرائق أخرى اندلعات فمنطقة القبايل شمال الجزائر، ولقات السلطات صعوبة فإخمادها، الشي اللي تسبب فموت 72 شخص على الأقل وتلف كيلومترات من الغطاء النباتي الغابوي.