حركة التوحيد والإصلاح كاتقاطع لائحة "البيجيدي" ف وجدة تضامنا مع المطرودين من الحزب

لوقيتا اللي كايعيش فيها حزب حزب العدالة والتنمية فمدينة وجدة، على وقع مجموعة من المشاكل، جراء التشطيب على عدد من "البيجيديين" من لوائح العضوية، واللي قررو أنهم يدخلوا الانتخابات المحلية بلائحة مستقلة، قررات حركة التوحيد والاصلاح أنها غادي تعاون المرشحين ديال "اللامبة" وطنيا باستثناء المرشحين نتاع دائرة وجدة.
وذكرت مصادر ل"كَود"، أن السبب اللي خلى حركة التوحيد والإصلاح ف وجدة تاخذ هاد القرار، هو العلاقة الجيدة اللي ك داتجمعها مع المطرودين من "البيجيدي" من قبل الأمانة العامة، خاصة وأنهم باقيين مرتبطين بالحركة وخا جراو عليهم من الحزب.
وأضافت نفس المصادر، أن الحركة اختارت التراجع عن دعمها لمرشحي الحزب بوجدة، بطلب من هؤلاء الأعضاء، وبالتالي قررت الاستجابة لطلبهم تفاديا لإحراجهم في الانتخابات المقبلة.
وكانت "كَود" هضرات على هاد الموضوع وقالت بللي عدد كبير من البيجيديين غادي يترشحوا بلائحة مستقلة وأكبر حزب باغيين يطيحوه هو العدالة والتنمية، حيت مرشيحن بعض الناس اللي كانوا السبب في الطرد نتاعهم من الحزب، لذلك باغيين يردو ليهم الصرف.