فجوج عمليات.. "لاكَوارديا سيڤيل" ف مليلية حجزو كوكايين وحشيش كانت داخلة للمدينة واعتاقلو شخص – تصاور

حجز الحرس المدني الإسباني، 3 كيلو ديال الحشيش، و 2.1 كيلو من الكوكايين، وشد شخص واحد هو مول المخدرات اللي كان باغي يدخلها عبر الكَرياج اللي بين مليلية المحتلة ومنطقة "ماريواري" الحدودية ببني انصار.
وقال بيان للحرس المدني، إن دورية لحراسة الحدود شافت قاصر كايجري جهة الكَرياج الفاصل في وقت لاحظ فيه أيضا تساقط أجسام غريبة من الجهة المغربية، وملي قربو من المكان اكتاشفو 5 ديال الرزمات وبعدما فتحوها لقاوها عامرة بالحشيش.
العملية الثانية، اللي وقعات الويكاند اللي فات، رصدات فيها دورية الحرس، شخص كان كايجمع علب فيها كوكايين وملي جراو موراه هرب إلى وجهة مجهولة.
وقال المصدر نفسه، إن عملية التفتيش فالمكان أسفرت عن اكتشاف كيس به عبوتين مربوطتين بخيط طوله 3 أمتار، استخدم لإدخال المخدرات المحجوزة من "ماريواري" إلى مليلية.