كلوديا فيليكس.. “أخطر مرا فالعالم” لقاوها ميتة فدار عشيقها

البوليس في المكسيك علنو على خبر العثور على جثة كلوديا فيليكس لي هي واحدة من أخطر نساء العالم مقتولة في دار فمدينة كولياكان.
البوكوصة المكسيكية كانت صاحبت زعيم عصابة وملي قتلوه نفذات هي بزاف ديال الاغتيالات بلاما يقدر البوليس يشدها. هاد السيمانة لقاوها جثة خامدة بعدما دوزات سهرة مع راجل كانت معاه في وقت سابق فشي بواط.
وقالت صحيفة “ديلي ميل” البريطانية أن الراجل لي مكشفوش الهوية ديالو فاق فالصباح وملي بغا يفيقها لقاها ميتة.
التقارير الطبية الأولية كتقول أنها ماتت اختناقا حيت لقاو كميات كبيرة ديال الشراب ومواد أخرى، لكن الأبحاث مستمرة باش يشوفو السبب الحقيقي.
كلوديا كانت في البدايات ديالها عارضة أزياء لكن شوية قلباتها وولات مهربة مخدرات وزعيمة ديال عصابة “لوس أنتراكس” لي هي من أشهر العصابات الخطيرة في العالم.