لقاو جثة مليوحة جنب الطريق نواحي كَرسيف وعليها آثار الضرب

لقاو جثة شخص فالعمر نتاعو 40 عاما، السبت الفايت، مليوحة على جنب الطريق ديال دوار ف جماعة "مزكَيتام"، التابع لإقليم كَرسيف، وعليها آثار ديال الضرب.
وذكرت مصادر مطلعة ل"كَود" أن الجثة لقاو فيها الآثار ديال الضرب على مستوى الرأس وف أنحاء أخرى من الجسد.
وأضافت المصادر ذاتها، أن الجثة لقاوها حدا طوموبيل من نوع "تويوتا بيكوب"، في حين كشفات نفس المصادر أن هاد الجثة هي لشخص متزوج.
ومن جهتها، انتاقلات عناصر الدرك الملكي لعين المكان، حيت عاينات الجثة وفتحات تحقيق ف الموضوع، لتحديد ملابسات وظروف الواقعة، فيما نقلت الجثة إلى قسم مستودع الأموات لإخضاعها للتشريح الطبي.