الايطالية اللي غبرات حدا الداخلة لقاوها جثة هامدة

[email protected]
أفادت مصادر مطلعة ل”كود” أن حالة استنفار كبيرة كتعيشها الداخلة دابا بعد ما لقاو جثة السائحة الإيطالية اللي كانت غبرات من البارح السبت. هاد الجثة لقاوها حدا شاطئ بوطلحة بالنقطة الكيلومترية 18.
وحسب المعطيات التي إستقتها “كود”٬ فقد تم العثور على جثة السائحة الإيطالية بعد عمليات بحث كبير داروه الجدارمية فهاد 24 ساعة اللي فاتت.
حسب اولى المعطيات اللي عند “كود”٬ فجثة السائحة الايطالية ما فيها لا اثار جروح ولا دماء لا ضرب. دابا كاينة فرضية الغرق فنفس الشاطئ.
وكان شاب مغربي من الريف بلغ على إختفاء صاحبتو مع كلبها من نهار وصلو للداخلة من مدينة بوجدور فكرڤان على الطريق الوطنية رقم 1، يوم الجمعة، حيث غادرت الفتاة هاد الكرفان وغبرت قريب من النقطة الكيلومترية 25 شمال الداخلة. الكلب رجع وهي بقات حتى اليوم لقاوها جثة
تفاصيل جديدة جايبينها ليكم لاحقا